Festexamos o día da nosa lingua

A semana mércores, véspera do Día das Letras Galegas, celebramos co alumnado a nosa particular "Festa da lingua". Grazas a varios membros do Equipo de Dinamización Lingüística que tamén pertencen ao Equipo de Biblioteca, o alumnado do centro leu e entendeu o por que se se celebra este día e quen é a persoa à que se lle adica este ano: Luísa Villalta. Ao longo da xornada tiveron tempo para coller adhesivos, lambetadas e versos en galego e, ademais, puideron colorear as súas linguas e sacar fotos nun espello onde recoñecerse como galegofalantes orgullos@s da súa lingua! [Podedes ver nesta ligazón o álbum con todas as fotos da actividade]

Última reunión do club de lectura de 4º da ESO

No día de hoxe o alumnado de 4º da ESO que pertence ao club de lectura quedou para comentar o cómic en galego de "Mortadelo e Filemón" e para despedirse, pois a proximidade dos exames obriga a parar coa actividade deste grupo que remata no centro cun forte compromiso coa lectura que esperemos que se manteña nas seguintes etapas que lle toque vivir.

Reunión de 1º da ESO

As alumnas e os alumnos que pertencen ao club de lectura de 1º da ESO quedaron para comentar a lectura feita de "Sonríe" de Raina Telgemeir. En xeral, o cómic gustoulles e algúns animáronse a coller outros títulos da autora dos que se dispoñen na biblioteca. Quedaron que farían unha visita á Casa-Museo de Valle Inclán e unha busca do tesouro sobre dito autor para poñer peche dunha xornada máis lúdica a este primeiro ano como integrantes do club de lectura do IES Faro das Lúas.