Regueifando

O martes 19 de febreiro o alumnado de 2º ESO asistiu na biblioteca á primeira sesión dos obradoiros didácticos ofrecidos pola Asociación Oral de Galiza e impartida polo coñecido regueifeiro Pinto de Herbón. Foi unha hora e media intensa pero moi produtiva. Despois dun divertido achegamento teórico-práctico ó que son as regueifas, o alumnado púxose mans á obra e compuxo as súas propias creacións con axilidade e moita habilidade. Desta sesión saíu unha selección de dezaseis rapaces e rapazas que participaron o 28 de febreiro na segunda quenda. Xa non se trataba só de escribilas, tamén había que cantalas. Ó principio custou un pouquiño pero unha vez vencida a timidez inicial todo foi sobre rodas.

RESEÑA: CONTOS POR PALABRAS

RESEÑA LITERARIA:  CONTOS POR PALABRAS

• Título: Contos por palabras
• Autor: Agustín Fernández Paz
• Editorial: Xerais
• Colección: Merlín
• Gañou o premio Lazarillo 1990.
• Estivo na lista de honra do Ibby (Organización Internacional para o Libro Xuvenil) entre 1990 e1992.

Neste libro cóntanse moitas historias: cada capítulo é unha historia distinta. Unha delas fala do mago Mefisto, outra vai dun home araña que limpa cristais, noutra aparece un vampiro..., e así todos os capítulos.

A min gustoume bastante o libro porque vai contando historias distintas. Non lle cambiaría nada, gústame tal e como está.

Daniel Vázquez Durán (2ºB)

1000 grúas para a PAZ

Para conmemorar o Día da Paz propuxemos o reto das mil grúas.
A técnica de armar figuras de papel é unha tradición xaponesa milenaria e denomínase "origami".

Puxémonos mans á obra e logramos as 1000 grúas de origami para honrar a memoria de Sadako e enfatizar así o noso labor como continuadores desta marabillosa tradición.

Unha antiga lenda xaponesa promete que calquera que faga mil grúas de papel recibirá un desexo de parte dunha grúa, tal como unha vida longa ou a recuperación dunha enfermidade.

As mil grúas de origami  convertéronse en símbolo de paz en Xapón, debido á historia de Sadako Sasaki (1943-1955), unha nena xaponesa que desexou curar da súa enfermidade producida pola radiación da bomba atómica (leucemia) construíndo mil figuras.

O conto da escritora arxentina Elsa Bornemann, "Mil grullas",​ trata do mesmo tema: Naomi Watanabe e Toshiro Ueda son dúas adolescentes de Hiroshima e atópanse visitando os seus avós na aldea de Miyashima cando cae a bomba. Localízase a Naomi nun hospital tratando de facer figuras. Toshiro completa as mil e  entrégallas á rapaza, mais ela morre ao día siguinte. Trinta e un anos despois, Toshiro fai 42, casa, ten tres fillos e é xerente dunha sucursal dun banco en Londres. Serio e pouco comunicativo, máis a pesar de todo sempre se pode atopar un par de grúas de origami sobre o seu escritorio. Cumprindo así o desexo de Naomi de que nunca a esquecera.

Lecturas na biblioteca.

Cinco alumnos/as do IES foron  os protagonistas. Os seus relatos curtos resultaron finalistas no certame da FANPA e saíron publicados. Non puidemos deixar pasar a oportunidade de amosarlles o orgullosos que nos sentiamos. Na biblioteca  non só leron os relatos, tamén nos fixeron partícipes da súa experiencia e falaron sobre os seus sentimentos e inspiracións á hora de escribir e crear. Resultou unha experiencia do máis enriquecedora.

Reseña: la Forma del agua

La forma del agua

TÍTULO: La forma del agua

AUTORES: Guillermo del Toro e Daniel Kraus

EDITORIAL: Umbriel

PELÍCULA: Estreada con anterioridade ó libro. Aquí tedes un enlace ó trailer: https://www.youtube.com/watch?v=gfVe2puMBs0

Cando vin este libro, quíxeno ter e, cando o conseguín, non o podía crer.

Empecei a lelo e engancheime.

É unha mestura de fantasía e romanticismo.

Trata sobre un centro de investigación que consegue unha especie de home peixe ó cal, por ser único, queren disecar. Elisa, unha muller xove e xordomuda, deféndeo e non permite que lle fagan iso. Xuntos viven unha tenra historia de amor.

Este libro é moi bo, a min encantoume. Recoméndoo a todos os meus compañeiros e compañeiras.

                     Laura Cores López, 2ºB  

Que ler no 2019

Non sabedes que ler? Botade unha ollada ás recomendacións dos vosos compañeiros.

Reseña: Edison el mago de los inventos

Edison el mago de los inventos

Comentario de Salvador Forchinito Casas

Edison el mago de los inventos

Gorka Calzada

elrompecabezas

Cando empecei a ler este libro pareceume moi aburrido pero a verdade é que esta biografía sobre Edison é  boa e entretén bastante. Ademais lese bastante rápido porque é curto.

Eu recomendaríavos lelo xa que é moi interesante e podedes pasar unhas horas moi agradables con el.