VALORACIÓN DA ACTIVIDADE DA BIBLIOTECA CURSO 14/15

Biblioteca escolar, acelerador de innovación

As bibliotecas escolares galegas viviron importantes transformacións nos últimos anos, grazas ao esforzo conxunto de comunidades educativas e administración, nunha tarefa que ten como finalidade ofrecer máis e mellores instrumentos ao alumnado para a súa formación académica e persoal. Estas transformacións non foron só físicas (moito profesorado afirma que a biblioteca é o espazo máis fermoso do seu centro); o cambio máis importante é o que se produce no centro educativo cando a biblioteca se activa, porque arredor das súas propostas e dos seus recursos, da actividade que xenera e os apoios que presta, botan a andar (ou cobran forza, asentándose) dinámicas de traballo diferente, prácticas pedagóxicas máis activas, propostas máis colaborativas, proxectos ilusionantes que axudan a construír coñecemento e a construír comunidade tamén. As bibliotecas, ao renovarse e activarse, confírmanse como aceleradores de innovación, de innovación educativa.

Asesoría de Bibliotecas escolares de Galicia

Hora de ler

Eliximos dúas frases de Pedro Salinas que veñen a xustificar o porqué da nosa hora de ler.

"Educar para ler e ler para educar"

 

"Cando das chamadas artes liberais se trata, que tarefa máis insigne hai para educación que ensinar a ler ben?"

Pedro Salinas

 

La biblioteca

BIBLIOTECA

View more presentations or Upload your own.

Outubro: mes das bibliotecas escolares.

Aproveitando que o día 24 de outubro celébrase o día das bibliotecas escolares, decidimos adicar todo o mes a nosa biblioteca.
Empezamos coa formación de usuario que levaremos a cabo na biblio coa axuda dunha PowerPoint sobre o uso e recursos que nos ofrece a biblioteca.
O día 6 inauguramos a “hora de ler” : tódolos días a partir deste día leremos de 11:20 a 11:35 e en seguida a nova actividade “o mellor lector” .
Botamos a andar as “mochilas viaxeiras” empezaran a súa andadura polas clases de 1º.
O día 24 de outubro repartimos os “carnés de biblioteca” para tódolos membros da comunidade educativa.
Presentamos a novas adquisicións levando as clases algúns ejemplares ás clases.
Lanzamos a campaña de captación de alumnos colaboradores da biblioteca.
Por fin empezamos a hilar contactos coas diferentes institucións, persoas… que participarán nas diferentes actividades que a biblio pretende levar a cabo este ano.