Visita de Tamara Andrés

Visita de Tamara Andrés: obradoiro de traducción para adxuntar ao traballo dos rapaces de traducción dos libros de infantil para ler nos colexios. O alumnado de 1º ESO participou nun obradoiro de tradución coa escritora e tradutora Tamara Andrés no marco dun proxecto de aula da materia de Lingua galega e Literatura, centrado no proceso de tradución ao galego de diferentes álbums ilustrados para público infantil. Tamara partiu da súa propia experiencia profesional para falarnos do labor do tradutor literario e das decisións interesantísimas que este debe tomar en función das características particulares de cada un dos textos que as editoriais lle encargan verter a unha lingua distinta da orixinal. Foron dúas sesións de parola xenerosa durante as que a rapazada tivo ocasión de explorar por si mesma o traballo da nosa convidada, pois Tamara tróuxonos algúns dos libros para crianzas que ela traduciu nos últimos anos e partillou connosco os detalles prácticos dos distintos procesos. Que mellor maneira de botar a andar as traducións que nós mesmas temos entre mans! https://www.canva.com/design/DAG32ab5-qg/RHSYr79XAzFAa1TCubENww/watch https://www.edu.xunta.gal/centros/iesfarodasluas/node/1386